थंडी, वेदना आणि मानवतेचा हात. साताऱ्यात गारटुन एकाचा मृत्यू.

प्रतीनिधी- सुतार अस्लम:-
साताऱ्यातील थंडी दिवसेंदिवस कडाक्याची होत आहे. त्याच थंडीत आज पहाटे एक मन हेलावून टाकणारी घटना घडली. राधिका टॉकीजजवळ रस्त्याच्या कडेला थरथरत पडलेल्या एका बेवारस वृद्धाचा थंडीने जगण्याचा धागाच तुटला.
ना आधार, ना सहारा… आणि या हिवाळ्यात त्यांचे आयुष्य थांबले. पण मानवतेचा दीप प्रज्वलित ठेवत खिदमत ए खलक् संस्थेने तत्परतेने पुढाकार घेत पोलिस प्रशासनाच्या विनंतीनुसार त्या वृद्धाच्या मृतदेहाचा सन्मान राखत सर्व शासकीय प्रक्रिया सन्मानपूर्वक पूर्ण करण्यात मदत केली.

ही फक्त एक घटना नाही…
ही समाजाला जागवणारी वेदना आहे.
थंडीच्या एका रात्रीने एका जीवाचा इतिहास संपवला.

मनापासून विनंती
आपल्या परिसरात, रस्त्याच्या कडेला, बसस्टँडवर, मंदिराजवळ, पुलाखाली किंवा कोठेही—
कोणी कुटुंबहीन, अनाथ, आजारी, दुःखी किंवा थंडीने काकडून बसलेला दिसला, तर
कृपया आपल्या मनातील माणुसकी जागवा आणि त्वरित संपर्क साधा:

📞 खिदमत ए खलक् : ९२७३९४२४४४

एक फोन…
कदाचित कुणाचं जीवन वाचवू शकतो.
आपण माणुसकीचा हात पुढे केला तर उद्याचा असा दुर्दैवी मृत्यू टळू शकतो.मनुष्य म्हणून आपलं कर्तव्य पार पाडूया.थंडीतही माणुसकीचे ऊब देऊया.थंडीची ही लढाई आपण एकत्र लढूया.